Аввал хабар берганимиздек, Магистрал электр тармоқлари филиалларининг маъмурий бинолари томига қуёш панеллари ўрнатилмоқда. Дастлабки қуёш панеллари «Ўзбекистон МЭТ» АЖ  маъмурий биносининг том қисмига, сўнгра «Самарқанд МЭТ»  ҳамда «Андижон МЭТ»  филиаллари маъмурий биноларига «яшил энергия» манбаси ўрнатилган эди.

⚡️ Айни кунларда «Фарғона магистрал электр тармоқлари» филиалининг маъмурий биносига ҳам 40 кВт қувватли қуёш панелларини ўрнатиш ишлари бошланди.

Эслатиб ўтамиз, жорий йил 10 июнь куни Президентимиз раҳбарлигида ўтказилган видеоселектор йиғилишининг  48-баёнида белгиланган топшириқларга мувофиқ, "Ўзтехсаноат” уюшмаси ўтказилган қайта тикланувчи энергия манбаларини кўргазмасидаги  келишувларга биноан, “Ўзбекистон МЭТ” АЖ  Solar Nature корхонаси билан 28 та объектга 500 кВт қувватли қуёш панели ўрнатиш бўйича умумий қиймати 5,0 млрд. сўмлик шартнома имзоланган.

«Ўзбекистон МЭТ» АЖ Ахборот хизмати