Ўзбекистонда электромобиллар ишлаб чиқариш ва уларни сотиб олишда енгиллик ва рағбатлар берилади. Бу ҳақда жамоатчилик муҳокамасига қўйилган Ўзбекистоннинг 2022—2026 йилларга мўлжалланган тараққиёт стратегиясида айтиб ўтилган.

Қайд этилишича, электромобиллар ишлаб чиқариш ва улардан фойдаланишни рағбатлантириш тизимини яратилади. Бунда электромобиллар ва уларнинг асосий таркибий қисмларини тажриба-экспериментал усулда ишлаб чиқариш базаси ташкил этилади ва уларнинг асосий бутловчи қисмлари ишлаб чиқарилади.

Республикада ишлаб чиқарилган янги электромобилларни сотиб олганлик учун йиғим, шунингдек, электромобиллар (шу жумладан машинотўпламлар) утилизация йиғим бекор қилинади.

Электромобиллар соҳасини стандартлаштириш ва мувофиқликни баҳолаш соҳасида қабул қилинган ва халқаро стандартлар билан уйғунлаштирилган стандартларни автосаноат тармоғи корхоналари томонидан бевосита ўз ишлаб чиқариш жараёнларига жорий этиш таъминланади. Электромобилларни қувватлантириш станциялари тармоғини яратиш ва ривожлантириш кўзда тутилган.

Бунда республикада фаолият юритаётган АГТҚШ, АЁҚШларда, аҳоли кўп йиғиладиган объектлар ҳудудларида электр қувватлантириш, шу жумладан, қайта тикланувчи энергия манбалари ёрдамида қувватлантириш станцияларини ўрнатиш ва бунда маҳаллий ишлаб чиқарувчилардан сотиб олинишини назарда тутилган.

Шунингдек, республика ҳудудида электр транспорт воситалари учун электр қувватлантирувчи ускуналарини ва уларнинг таркибий қисмларини ишлаб чиқариш йўлга қўйилади.

https://daryo.uz/

✍️ «Ўзбекистон МЭТ» АЖ Ахборот хизмати

 t.me/uzmetaxborotxizmati