24 май куни эрталаб Франция жанубида йирик блэкаут юз берди ва 160 мингга яқин уй электр таъминотисиз қолди, деб хабар берди CNN.

Электр узилиши маҳаллий вақт билан соат 10:00 атрофида бошланди ва Канн халқаро кинофестивалининг ишига таъсир кўрсатди. Франциянинг RTE электр тармоғи компанияси хабарига кўра, Канн, Антиб, Манделе ва бошқа бир қатор шаҳарлар зарар кўрган.

Қайд қилинишича, электр токининг ўчирилишига иккита ҳодиса сабаб бўлган. Биринчиси, Вар департаментидаги Таннеронда юқори вольтли нимстанцияда содир бўлган ёнғин, иккинчиси, бир неча соатдан кейин Сен-Кассиен кўли ҳудудидаги электр узатиш минорасининг қулаши.

RTE компаниясига кўра, блэкаут саботаж оқибатида юз берган бўлиши мумкин. Ҳозир уриштирув ишлари олиб борилмоқда.

Шу йил 28 апрел куни Португалия, Испания ва Европанинг бошқа қатор мамлакатларида электр энергияси кенг кўламда ўчган эди. Узилиш сабаби ҳамон номаълум.

Манба: https://kun.uz/kr/news/2025/05/24/fransiyada-yirik-blekaut-yuz-berdi

‖ Facebook ‖ Instagram ‖ YouTube ‖

«Ўзбекистон МЭТ» АЖ Ахборот хизмати
http://t.me/uzmetaxborotxizmati