Куз-қиш мавсумига тайёргарлик кўриш доирасида Наманган вилоятида, ФВВ раҳбарлигида ўқув машғулотлари ўтказилди. Тадбирнинг асосий мақсади энергетика инфратузилмаси объектларида юзага келиши мумкин бўлган авариялар ва бошқа кутилмаган вазиятлар содир бўлган тақдирда, фавқулодда вазиятлар ҳамда коммунал хизматларнинг ҳаракатларга тайёргарлигини текширишдан иборат.

Эслатиб ўтамиз, 2026-2027 йил куз-қиш мавсумига тайёргарлик доирасида 35170 км тармоқлар режали кўрикдан ўтказилди, 2262 км ҳаво тармоқлари дарахт шохидан тозаланди, 14276 та қушлар қўнишидан ҳимоя мосламаси ўрнатилди, 55413 км тармоқ ва 3358 та подстанциялардаги электр қурилмаларининг контакт бирикмалари тепловизор кўригидан ва 932 км тармоқлар дрон кўригидан ўтказилди, 681 та совутиш тизимлари таъмирланди, 25524 та изолятор алмаштирилди. 

«Ўзбекистон МЭТ» АЖ Ахборот хизмати