2022 йилнинг 26 апрель куни Ўзбекистон Энергетика вазирлигида Омск вилояти губернатори Александр Бурков бошчилигидаги делегация аъзолари билан музокаралар ўтказилди.
 

Ўзбекистон Республикаси энергетика вазирининг биринчи ўринбосари Азим Ахмедхаджаев Омск вилояти ҳукумати раиси ва делегацияси аъзоларини қутлар экан, томонларнинг турли йўналишларда энергетика соҳасидаги ҳамкорлигининг истиқболлари юқори эканини алоҳида таъкидлади.

Ўз навбатида А.Бурков Ўзбекистон Омск вилоятининг асосий ва муҳим ташқи савдо ҳамкорларидан бири эканлигини таъкидлади. Айни пайтда жадал ривожланаётган энергетика соҳаси ҳамкорликнинг янги истиқболларини очмоқда.
 

Томонлар рақамли энергетика соҳасида, жумладан, электр тармоқлари учун интеллектуал қурилма ва тизимлардан фойдаланиш, қозонхона ва иссиқлик техникаси ускуналарини етказиб бериш бўйича ҳамкорлик имкониятларини муҳокама қилдилар.

Муҳокама чоғида Омск вилояти губернатори саноат секторининг Ўзбекистон энергетика тармоғи учун маҳсулотларни етказиб бериш ва ишлаб чиқаришда кооперация қилиш имкониятлари, жумладан, рақамли энергетика соҳасида ҳамкорлик қилиш имкониятлари, электр тармоқлари учун ақлли қурилмалар ва тизимлардан фойдаланиш, қозон ва иссиқлик техникаси ускуналарини етказиб бериш ҳақида маълумот берди.

Ўзбекистон Республикаси
Энергетика вазирлиги Матбуот хизмати

https://minenergy.uz/uz/news/view/1923

«Ўзбекистон МЭТ» АЖ Ахборот хизмати
 t.me/uzmetaxborotxizmati