9 апрель — Соҳибқирон Амир Темур таваллуд топган кун!

Янгиликлар

09.04.2025
73

Амир Темур — ўзлигимизни англаш, миллий анъана ва қадриятларимизни тиклаш борасидаги улуғвор ишларда халқимизга маънавий куч бағишлаб келаётган улуғ сиймолардан биридир.

Унинг ҳаёти ва фаолияти — жасорат, ақл-заковат ва юртга садоқатнинг ёрқин намунасидир.

Амир Темур ибн амир Тарағай 1336 йил 9 апрелда Кеш (Шаҳрисабз)нинг Хўжа Илғор қишлоғида дунёга келган. Унинг отаси амир Муҳаммад Тарағай барлос улусига мансуб беклардан, баҳодир жангчи, уламою фузалога ихлосманд, илм аҳлига ҳомий ва иштиёқманд киши бўлган.

“Темурнинг даври Туркийлар тарихининг ҳам ҳарбий, ҳам бошқарув, ҳам истиҳбарат хизматлар бўйича энг чўққисидир”

Манба: “Туркларнинг олтин асри” китоби 82-саҳифа.
Муаллиф: Илбер Ортайли, академик ва ёзувчи.

—

“Соҳибқирон Темурнинг ерларига Ҳиндистон, Рум, Грузия, Ироқ, Хуросон… Яна шундай юзлаб шаҳарлар киради. Аммо ёзсам, сиғдиролмайман.”

✍️ Султониялик Иоанн

—

“Биз билан курашишга чоғланган ҳукмдорларнинг оқибатини эшитгандирсан. Беклик ҳақида бўлар-бўлмас гапларни гапирма. Ақл йўлини танла! Ақл йўлини танла! Ақл йўлини танла, шунда исминг мағлуб ҳукмдорларнинг орасида қайд этилмасин.”

Соҳибқирон Амир Темурнинг Йилдирим Баязидга мактуби

Атрофинфда ҳар доим шарафли, номусли ва жасур йигитларни тўпла. Шубҳасизки, яратган йигитларни асрайди!

✍️ Соҳибқирон Амир Темур

Facebook ♦ Инстаграм ♦ YouTube

«Ўзбекистон МЭТ» АЖ Ахборот хизмати
http://t.me/uzmetaxborotxizmati