Кеча, 2025 йил 28 апрель куни Ғарбий Европада электр таъминотидаги кенг кўламли носозликлар қайд этилди. «Деярли бутун Испания, Португалия ва Андорра, шунингдек, Франция ва Бельгиянинг айрим ҳудудлари электр таъминотидаги узилишлардан зарар кўрди, натижада аҳоли электр ва мобил алоқасиз қолди», деб ёзди «Тhe Sun» нашри. Ижтимоий тармоқ саҳифаларида ёзилишича, йирик шаҳарларда аэропортлар ва метрополитенлар фаолияти тўлиқ тўхтаган.

Кеча содир бўлган ҳодиса ҳақида «Financial Times» нашрининг ёзишича, Ғарбий Европа электр энергетика умум тизимида юзага келган йирик носозлик натижасида 10 ГВтдан ортиқ қувват истеъмолчилари тармоқдан узилган. Блэк-аут сабабларини Испаниянинг энг йирик электр энергияси компаниялари: “Endesa” ва “Iberdrola” таҳлил қилгани айтилди. Нашр расмий сайтида хабар берилишича, ҳодиса сабабли Испания ва Португалия ҳукуматлари фавқулодда ҳолат туфайли тезкор йиғилиш ўтказган.

«Испания ва Португалия кўчаларида светофорлар ишламаяпти, бу эса тирбандликларга сабаб бўлмоқда. Савдо марказлари, дўконлар, хизмат кўрсатиш масканлари ва стадионлар ёпилган. Банкоматлар ва тўлов терминаллари ишлашида узилишлар юзага келди. Аэропoртлар ёпилган, поезд ва метролар ҳаракати тўхтатилган», деб хабар беради «FT» интернет нашри.

Шунингдек, кўплаб шифохоналар захира генераторлари орқали қувватлаш тизимига ўтган, жарроҳлик ва муолажа операциялари кейинга қолдирилган. Ўт ўчириш, полиция ва қутқарув хизматлари фавқулодда ҳолат тартибида ишлаган.

Дастлабки маълумотларга кўра, Испания ва Португалияда электр таъминотида юз берган блэк-аут «кам учрайдиган атмосфера ҳодисаси» сабабли юз берган бўлиши мумкин. Бу ҳақда Португалиянинг «Rede Elétrica Nacional» номли  электр тармоқлари оператори хабарига таяниб «Sky News» нашри маълум қилди.

«REN» нашрининг маълумотига кўра, Испанияда ҳаво ҳароратининг кескин ўзгариши туфайли юқори кучланишли линияларда «аномал тебранишлар» юзага келган ва бу минтақа электр тармоғи умутизимида носозликларга олиб келган.

Бугун, 2025 йил 29 апрель куни Испания ҳудудида электр таъминоти тахминан 50 фоизга тиклани ҳақида мамлакат бош вазири Педро Санчес маълум қилди. «Электр тармоқлари оператори маълумотларига кўра, электр таъминотининг деярли 50 фоизи аллақачон тикланган. Олдимиздаги вазифа — яқин соатларда таъминотни тиклашни давом эттиришдир. Ҳозирда мамлакатимизга электр энергияси Франция ва Марокашдан етказиб берилмоқда», – дея хабар тарқатди Испания ҳукуматининг расмий нашрлари.

Испания Ҳукумати, шунингдек, электр таъминоти тўлиқ тикланмагунча айрим ишчилар сешанба куни уйида қолишига тўғри келишини қўшимча қилган.

Испания ва Португалияда электр таъминотидаги кенг кўламли электр узилишнинг аниқ сабаби ҳануз номаълум. Португалия бош вазири Луис Монтенегро «узилиш манбаи Испанияда» эканини айтганди. Испания ҳукумати ҳодиса сабабларини аниқлаш устида ишлаётганини билдирди.

Эслатиб ўтамиз, 2022 йил  25 январь куни соат 11:00 да Ўзбекистон энерготизимда йирик носозлик юзага келган ва блэк-аут асоратлари тезкорлик билан босқичма-босқич бартараф этилган эди.

Эътиборингизга uzbekistonmet.uz веб-сайтининг архив саҳифаларидан мавзуга оид мақола ва хабарларни ҳавола қиламиз:

ДИСПЕТЧЕР ЭЛЕКТР ТАЪМИНОТИНИ УЗМАСА НИМА БЎЛАДИ? ёхуд тизимидаги йирик аварияларнинг асосий сабаблари

https://arxiv.uzbekistonmet.uz/uz/lists/view/177

МАРКАЗИЙ ОСИЁ БИРЛАШГАН ЭНЕРГОТИЗИМИДА СОДИР БЎЛГАН ФАВҚУЛОТДА ҲОЛАТ БЎЙИЧА ҚИСҚА МАЪЛУМОТ

https://arxiv.uzbekistonmet.uz/uz/lists/view/950

24 соат ичида: Марказий Осиё электр таъминоти умумтизимида содир бўлган йирик носозлик ва унинг бартараф этилиши жараёнлари хронологияси

https://arxiv.uzbekistonmet.uz/uz/lists/view/1863

Электр таъминотининг техник ва муҳандислик шартлари: Дунё электр энергетикасидаги йирик авариялар ва уларнинг оқибатлари

https://arxiv.uzbekistonmet.uz/oz/lists/view/1672

Технические и инженерные условия электроснабжения: Последствия крупных аварий в мировой электроэнергетике

https://arxiv.uzbekistonmet.uz/ru/lists/view/1672

Марказий Осиё электр энергетика ягона тизими нима?

https://arxiv.uzbekistonmet.uz/uz/lists/view/1875

Что такое Единая энергосистема Центральной Азии?

https://arxiv.uzbekistonmet.uz/ru/lists/view/1875

Что такое Единая энергосистема Центральной Азии, Почему ее называют «энергетическим кольцом» и зачем она нужна? На все эти вопросы Минэнерго отвечает

https://minenergy.uz/ru/news/view/1777

Марказий Осиё ягона энергетика тизими нима, у нимага «энергоҳалқа» деб аталади ва у нима учун керак? Ушбу саволларнинг барчасига Энергетика вазирлиги жавоб беради

https://minenergy.uz/uz/news/view/1777

Интернет маълумотларидан фойдаланган ҳолда Акциядорлик жамияти матбуот котиби Улуғбек Урунов тайёрлади.

https://t.me/burchakostida/59502

«Ўзбекистон МЭТ» АЖ Ахборот хизмати
http://t.me/uzmetaxborotxizmati