Бугун, 2025 йил 11 июнь куни “Ўзбекистон миллий электр тармоқлари” АЖ офисида EQUnico SE компанияси делегацияси билан учрашув бўлиб ўтди. Делегацияга EQUnico SE компанияси бошқаруви раиси — жаноб Крзйсзтоф Длугосз бошчилик қилди.

Учрашув давомида EQUnico SE вакиллари энергетика, рақамлаштириш ва барқарор ривожланиш соҳаларида муҳандислик ечимларини жорий этишга ихтисослашган компания фаолияти ҳақида маълумот бердилар.

Ўзбекистоннинг электр тармоқларини модернизация қилиш лойиҳалари, шунингдек, инновацион ва «яшил» технологияларни жорий этиш имкониятлари муҳокама қилинди.

Томонлар қўшма ташаббусларни ишлаб чиқишга ўзаро қизиқиш билдирар экан, техник маълумотлар алмашинуви давом эттирилишини келишиб олдилар.

‖ Facebook ‖ Инстаграм ‖ YouTube ‖

Инвестиция бошқармаси

«Ўзбекистон МЭТ» АЖ Ахборот хизмати

http://t.me/uzmetaxborotxizmati