“Ўзбекистон миллий электр тармоқлари” (Ўзбекистон) АЖ ва “Shandong Electrical Engineering & Equipment Group Co., Ltd.” (Хитой Халқ Республикаси) компанияси ўртасида шартнома имзоланди

2025 йил 3 июль куни Ўзбекистон Республикаси Президентининг 2023 йил 9 ноябрдаги ПҚ–363-сонли “Магистрал электр тармоқларини модернизация ва реконструкция қилиш” инвестиция лойиҳасини амалга ошириш чора-тадбирлари тўғрисидаги қарорига мувофиқ, Осиё тараққиёт банки маблағлари ҳисобидан амалга оширилаётган “Магистрал электр тармоқларини модернизация ва реконструкция қилиш” инвестицион лойиҳаси доирасидаги 2-Пакет, 2-Лот бўйича шартнома имзоланди.

Мазкур шартнома “Ўзбекистон миллий электр тармоқлари” акциядорлик жамияти ҳамда “Shandong Electrical Engineering & Equipment Group Co., Ltd.”  компанияси ўртасида «Зафар» ва «Файзиобод» подстанцияларини лойиҳалаштириш, етказиб бериш ва ўрнатиш (ЭПС) ишлари бўйича тузилди.

⚡️ Лойиҳанинг асосий мақсади — Тошкент шаҳрида жойлашган 220 кВ кучланишли «Зафар» ва «Файзиобод» подстанцияларини замонавий элегаз изоляцияли комплект тақсимловчи қурилма (КРУЭ) подстанцияларига айлантиришдир.

Ушбу лойиҳа амалга оширилиши натижасида қуйидаги устувор натижаларга эришилади:

   ♦  инсон омилининг таъсирини минималлаштириш;

   ♦  ташқи иқлим шароитларининг салбий таъсирини камайтириш;

   ♦  эксплуатация ва техник хизмат кўрсатувчи ходимларнинг хавфсизлигини ошириш;

   ♦  подстанцияларнинг ишончли ишлашини таъминлаш;

   ♦  атроф-муҳитга салбий таъсирни камайтириш;

   ♦  подстанцияларнинг замонавий эстетик кўринишини шакллантириш;

   ♦  иш фаолиятини оптималлаштириш;

   ♦  илғор технологиялар асосида ишлаб чиқарилган замонавий ускуналардан фойдаланиш.

Мазкур лойиҳа Ўзбекистон энергетика тизимини замонавийлаштириш ва унинг барқарор ишлашини таъминлашга хизмат қилади.

❗️Мавжуд бўш иш ўринларига ишга кирмоқчи бўлган фуқароларга тавсиялар.

‖ Facebook ‖ Инстаграм ‖ YouTube ‖

«Ўзбекистон МЭТ» АЖ Ахборот хизмати

http://t.me/uzmetaxborotxizmati