“O‘zbekiston milliy elektr tarmoqlari” (O‘zbekiston) AJ va “Shandong Electrical Engineering & Equipment Group Co., Ltd.” (Xitoy Xalq Respublikasi) kompaniyasi o‘rtasida shartnoma imzolandi

2025-yil 3-iyul kuni O‘zbekiston Respublikasi Prezidentining 2023-yil 9-noyabrdagi PQ–363-sonli “Magistral elektr tarmoqlarini modernizatsiya va rekonstruksiya qilish” investitsiya loyihasini amalga oshirish chora-tadbirlari to‘g‘risidagi qaroriga muvofiq, Osiyo taraqqiyot banki mablag‘lari hisobidan amalga oshirilayotgan “Magistral elektr tarmoqlarini modernizatsiya va rekonstruksiya qilish” investitsion loyihasi doirasidagi 2-Paket, 2-Lot bo‘yicha shartnoma imzolandi.

Mazkur shartnoma “O‘zbekiston milliy elektr tarmoqlari” aksiyadorlik jamiyati hamda “Shandong Electrical Engineering & Equipment Group Co., Ltd.”  kompaniyasi o‘rtasida “Zafar” va “Fayziobod” podstansiyalarini loyihalashtirish, yetkazib berish va o‘rnatish (EPC) ishlari bo‘yicha tuzildi.

⚡️ Loyihaning asosiy maqsadi — Toshkent shahrida joylashgan 220 kV kuchlanishli “Zafar” va “Fayziobod” podstansiyalarini zamonaviy elegaz izolyatsiyali komplekt taqsimlovchi qurilma (КРУЭ) podstansiyalariga aylantirishdir.

Ushbu loyiha amalga oshirilishi natijasida quyidagi ustuvor natijalarga erishiladi:

   ♦  inson omilining ta’sirini minimallashtirish;

   ♦  tashqi iqlim sharoitlarining salbiy ta’sirini kamaytirish;

   ♦  ekspluatatsiya va texnik xizmat ko‘rsatuvchi xodimlarning xavfsizligini oshirish;

   ♦  podstansiyalarning ishonchli ishlashini ta’minlash;

   ♦  atrof-muhitga salbiy ta’sirni kamaytirish;

   ♦  podstansiyalarning zamonaviy estetik ko‘rinishini shakllantirish;

   ♦  ish faoliyatini optimallashtirish;

   ♦  ilg‘or texnologiyalar asosida ishlab chiqarilgan zamonaviy uskunalardan foydalanish.

Mazkur loyiha O‘zbekiston energetika tizimini zamonaviylashtirish va uning barqaror ishlashini ta’minlashga xizmat qiladi.

❗️Mavjud bo‘sh ish o‘rinlariga ishga kirmoqchi bo‘lgan fuqarolarga tavsiyalar.

‖ Facebook ‖ Instagram ‖ YouTube ‖

«O‘zbekiston MET» AJ Axborot xizmati

http://t.me/uzmetaxborotxizmati