⚡️ Бугун, 2025 йил 12 август куни «Ўзбекистон миллий электр тармоқлари» акциядорлик жамияти бошқаруви раиси Д.А.Исақулов бошчилигидаги Ишчи гуруҳ аъзолари Осиё инфратузилма инвестициялари банки (AIIB) вакилларидан иборат делегацияни қабул қилди. Айни пайтда томонлар Ўзбекистонда энергетика соҳаси, хусусан электр энергетика тармоғи ривожига тааллуқли ўзаро манфаатли ҳамкорлик масалалари ҳамда мамлакатимизда олиб борилаётга «яшил иқтисодиёт» дастурига оид масалаларни муҳокама этишмоқда. 

Учрашувда Осиё инфратузилма инвестициялари банкининг Осиё, Европа, Яқин Шарқ ва Шимолий Африка ҳамда Лотин Америкаси мамлакатлари бўйича мувофиқлаштирувчи департменти раҳбари — АИИБ Бош директори Хиаоҳонг Янг (Сияохун Ян) хоним ҳамда бошқа делегация аъзолари Ўзбекистон энергетика бозорида амалга оширилаётган ислоҳотларни юксак баҳолаб, Осиё инфратузилма инвестициялари банки (АИИБ) билан ҳамкорликда амалга оширилиши режалаштирилаётган лойиҳалар самарали натижаларга эга бўлишидан умидворлигини билдирди.

Ўз ўрнида «Ўзбекистон миллий электр тармоқлари» акциядорлик жамияти бошқаруви раиси Д.А.Исақулов ҳам ташриф учун Осиё инфратузилма инвестициялари банки (АИИБ) вакилларига ўз миннатдорлигини билдириб, Акциядорлик жамияти томонидан амалга ошилилаётган инвестиция лойиҳалари ва халқаро молия ташкилотлари ёрдамида эришилган натижалар ҳақида қисқача маълумот бериб ўтди.

☄️ Шунингдек, Дадажон Айнақулович Ўзбекистонда барқарор ривожланиш, атроф-муҳит ва иқлим сиёсати ҳамда инфратузилмага инвестицияларни жалб қилиш соҳасида халқаро эксперт сифатида эътироф этилган молия институти билан ҳамрорлик алоқаларини ўрнатишдан мамнунлиги, Ўзбекистон Республикаси Ҳукумати ҳамда Осиё инфратузилма инвестициялари банки (АИИБ) ҳамкорлиги доирасида энергетика соҳаси, хусусан электр энергетика тармоғи ривожжлантиришга қаратилган эътибор учун мамнунлигини билдирди. 

✍️ Айни пайтда инвестицион лойиҳаларга оид тақдимотлар намойиш этилиб, ўзаро муҳокамалар этилмоқда.

‖ Facebook ‖ Instagram ‖ YouTube ‖ 

«Ўзбекистон МЭТ» АЖ Ахборот хизмати 

http://t.me/uzmetaxborotxizmati