Маълумки, Наманган вилоятининг Косонсой туманида янги энергетика объекти — 500 кВ кучланишли «Наманган» подстанциясини қуриш режалаштирилган. 

⚡️ Мазкур лойиҳа инвестицион лойиҳа ҳисобланиб, Европа тараққиёт ва қурилиш банки (EBRD) томонидан молиялаштирилиши кўзда тутилган. Лойиҳани тайёрлаш, баҳолаш ва банк молиявий иштирокини таъминлаш учун зарур бўлган техник-иқтисодий асослаш (TIA) ҳужжатлари ишлаб чиқилиши керак.

⇒ Мазкур лойиҳани амалга ошириш жараёнида халқаро ва маҳаллий консультантлар жалб этилган:

♦ DNV (Нидерландия) – халқаро техник консультант сифатида; 
♦ JURU (Ўзбекистон) – маҳаллий техник консультант сифатида; 
♦ “Ўзбекистон МЭТ” Аж “Наманган магистрал электр тармоқлари” филиали – лойиҳа ҳудудидаги техник эксперт ва ҳамкор ташкилот сифатида.

Техник-иқтисодий асослашни тайёрлаш доирасида, “Ўзбекистон миллй электр тармоқлари” акциядорлик жамияти “Наманган магистрал электр тармоқлари” филиали мутахассислари ва консультантлар билан биргаликда подстанция қурилиши режалаштирилган ҳудудда жойига чиққан ҳолда ўрганиш ишлари олиб борилди.

⇒ Ўрганиш ишлари қуйидаги жиҳатларни қамраб олди:

◾️ Подстанция қуриладиган ҳудуднинг ҳолати, муҳандислик-геологик ва экологик шароитлари; 

◾️ Қурилиш ишларига тўсқинлик қилувчи омиллар мавжуд эмаслиги; 

◾️ Янги подстанцияни мавжуд электр узатиш тармоқлари билан боғлаш имкониятлари; 

◾️ 500 кВ ҳаво тармоқларини киритиш ва чиқариш учун кириш-чиқиш йўлаклари мавжудлиги ва бу йўналишларда тўсқинлик қилувчи иншоотлар йўқлиги.

⇒ Ўрганишлар натижасида, танланган жойда подстанция қурилиши техник жиҳатдан мақсадга мувофиқ экани ва юқори кучланишли тармоқларни улашда ҳеч қандай тўсқинлик йўқлиги тасдиқланди.

⇒ Ушбу лойиҳа амалга оширилиши орқали қуйидаги ютуқларга эришилиши режалаштирилмоқда:

◾️ Наманган вилояти ва бутун Фарғона водийси электр таъминотининг ишончлилигини ошириш.

◾️ Янги ишлаб чиқариш қувватларини тармоққа улаш имкониятларини кенгайтириш.

◾️ Энергетика тизимида электр узатишдаги йўқотишларни камайтириш.

◾️ Минтақавий ривожланишга ҳисса қўшиш орқали иқтисодий ўсишни қўллаб-қувватлаш.

‖ Facebook ‖ Instagram ‖ YouTube ‖ 

«Ўзбекистон МЭТ» АЖ Ахборот хизмати 

http://t.me/uzmetaxborotxizmati  

❗️ "НАМАНГАН МАГИСТРАЛ ЭЛEКТР ТАРМОҚЛАРИ" ФИЛИАЛИ

каналига обуна бўлинг 

https://t.me/NamanganMET_Axborot