⚡ “Ўзбекистон миллий электр тармоқлари” АЖ “Фарғона магистрал электр тармоқлари” филиали балансидаги 220/110/10кВ «Сокин» подстанциясида трансформаторнинг ёғ сатҳи меъёрий ҳолатга келтирилгач, ҳудудда ёнғинга қарши кенг кўламли ишлар амалга оширилди.

♦ Очиқ тақсимлаш қурилмаси (ОТҚ) майдонига майдаланган тош қопламаси ётқизилди. Бу усул чақнаш ёки электр ёйи ҳосил бўлганда тез ёнувчан воситалар, шунингдек, қуриган хашакнинг ёниш хавфини олдини олади;

♦ Бардюр ва кабель каналлари бетон тўсиқлари оҳакланиб, ободонлаштириш ишлари бажарилди. Натижада ҳудуд янада тартибли ва хавфсиз кўринишга эга бўлди;

♦ АТ-1 автотрансформатор (200 МВА) атрофидаги эски мойли шағаллар тўлиқ чиқарилиб, янги махсус шағаллар билан алмаштирилди. Бу ишлар ёнғин хавфсизлигини таъминлаш ва экологик талабларга риоя этиш мақсадида амалга оширилди;

♦ Диспетчерлик ёзувлари янгиланди: оператив журналга тегишли қайдлар киритилди, электр схемадаги ўзгаришлар ҳужжатлаштирилди ҳамда диспетчерлик марказига хабар берилди;

Ушбу амалиёт подстанция ҳудудининг инфратузилмасини яхшилаш, атроф-муҳитни тартибга келтириш ҳамда ходимлар учун хавфсиз ва қулай иш шароитларини яратишга хизмат қилади.

‖ Facebook ‖ Инстаграм ‖ YouTube ‖ 

«Ўзбекистон МЭТ» АЖ Ахборот хизмати 

http://t.me/uzmetaxborotxizmati 

«ФАРҒОНА МАГИСТРАЛ ЭЛEКТР ТАРМОҚЛАРИ» ФИЛИАЛИ

каналига обуна бўлинг ⇒ https://t.me/FargonaMET_Axborot