Ойлик доирасида асосий эътибор — электр энергиясидан хавфсиз фойдаланиш, хавфли ҳолатларнинг олдини олиш ва аҳолининг электр хавфсизлиги бўйича хабардорлигини оширишга қаратилади.

Бу даврда:

♦ аҳоли, айниқса, болалар ва ёшлар ўртасида тушунтириш ишлари кучайтирилади;

♦ электр тармоқлари, трансформатор пунктлари ва бошқа электр объектларининг техник ҳолати ўрганилади;

♦ аниқланган хавфли ҳолатлар бартараф этилади;

♦ электр объектларидаги тўсиқлар, эшиклар, қулфлар ҳамда огоҳлантирувчи ва тақиқловчи белгилар ҳолати кўриб чиқилади;

♦ аҳоли яшаш жойлари, мактаблар, боғчалар, бозорлар ва бошқа жамоат жойларига яқин электр объектларига алоҳида эътибор қаратилади;

♦ ташкилотлар ва тадбиркорлик субъектларига электр қурилмаларидан хавфсиз фойдаланиш бўйича тавсиялар берилади.

Асосий мақсад — хавфни олдиндан аниқлаш, унинг олдини олиш ва электр хавфсизлиги маданиятини ошириш.