Яккасарой туманида жойлашган 35/6 кВ кучланишли “ТТМ” подстанциясида электр ускуналарининг техник ҳолатини яхшилаш ҳамда ишончли ва барқарор ишлашини таъминлаш мақсадида режали техник ишлар амалга оширилмоқда.

Ишлар доирасида Т-1 трансформатори ва 6 кВ кучланишли 1-секция шинасида техник таъмирлаш ҳамда текшириш ишлари олиб борилмоқда. Шунингдек, реле ҳимояси ва автоматика қурилмаларини текшириш ҳамда лаборатория синовлари амалга оширилмоқда.

Мазкур тадбирлар электр ускуналарининг техник созлигини таъминлаш, мавжуд носозликларнинг олдини олиш ва истеъмолчиларни электр энергияси билан барқарор таъминлашга хизмат қилади.

“Тошкент шаҳар магистрал электр тармоқлари” филиали томонидан электр тармоқларининг ишончли ишлашини таъминлашга қаратилган техник тадбирлар изчил давом эттирилмоқда.

«ТОШКЕНТ ШАҲАР МАГИСТРАЛ ЭЛЕКТР ТАРМОҚЛАРИ» ФИЛИАЛИ
♦АХБОРОТ ХИЗМАТИ