Avval xabar berganimizdek, kecha, 2025-yilning 27-avgust kuni soat 14:35 da “Keles” podstansiyasidagi 10 kV kuchlanishli 1- va 2-seksiya shinalari tizimida “yerlanish” (zemlya) paydo bo‘lib, Xusunkor-2-10 kV va Mehnat-2 MTZ fiderlari avtomatik himoya tizimidan o‘chgan, nosozlik joyini aniqlash uchun dispetcherlik markazi  buyrug‘i bilan qolgan 10 ta fider ham o‘chirilgan edi. 

✍️ So‘ngra ma’lum bo‘ldiki, Mehnat-1 va Moyqo‘rg‘on fiderlarida aniqlangan nosozlik tufayli HETK tassarufida bo‘lgan 10 kV kuchlanishli kabel tarmog‘i o‘chish sodir bo‘lgan. 

⚡️ Hozirda 10 kV kuchlanishli Fusunkor-1 va Fusunkor-2; Mehnat-1 va Mehnat-2 hamda Grant bozor elektr uzatish kabel tarmoqlarida shikastlanish bo‘lganligi sababli ayni paytda 7 ta fiderdan 5 tasi o‘chiq holatda, Tansiqboyeva-3 va Tansiqboyeva-4 ga kuchlanish berildi. HETK hamda yuridik isteʼmolchilar balansida bo‘lgan kabel tarmoqlarini ta’mirlash-tiklash ishlari muvaffaqiyatli yakunlangach, yuqori kuchlanishli podstansiya orqali taqsimlovchi tarmoqlarga navbatma-navbat kuchlanish beriladi (berilmoqda).

‖ Facebook ‖ Instagram ‖ YouTube ‖ 

«O‘zbekiston MET» AJ Axborot xizmati 

http://t.me/uzmetaxborotxizmati