Jıllı hawa rayı kirip kelip, mámleketimiz keńlikleri jasıl otlaqqa aylanǵan dáwirde xalqımız shańaraqlıq seyil etiw hám dem alıw ushın tábiyat qushaǵına asıǵadı. Biraq bunday mádeniy dem alıw waqtında qáwipsizlik talaplarına ámel etiw ayrıqsha áhmiyetke iye.

❗️ Hár-bir ata-ana balalarınıń qáwipsizligine ayrıqsha itibar beriwi zárúr.

Húrmetli watanlaslar hám áziz ata-analar!

Balalar hám jas óspirimlerdiń elektr podstanсiyalari átirapında, transformator punktleri janında yamasa joqarı kernewli elektr uzatıw tarmaqları qorǵaw zonalarında oynawı awır aqıbetlerge alıp keliwi múmkin.

Sebebi elektr qurılmaları, atap aytqanda, elektr podstanciyalari hám joqarı kernewli elektr uzatıw tarmaqları átirapı oyın oynaw yamasa sport jarısların ótkeriw ushın oǵada qáwipli aymaq esaplanadı.

Perzentlerińizdi:
• Elektr podstanciya hám transformator punktleri janında oynawına jol qoymań.
• Elektr sımları astında hám podstanciyalar janında juyrik (varrak) ushırıwına ruxsat bermeń.
• Úzilgen yamasa asılıp turǵan sımlarǵa jaqınlatpań.

‼️  Balalar tek ǵana arnawlı oyın maydanshalarında hám qáwipsiz aymaqlarda oynawı kerek.

⚠️ Umıtpań: elektr tokı kórinbeydi, biraq ol adam ómiri ushın úlken qáwip tuwdıradı.

⚠️ Elektr tarmaqlarında nasazlıq yamasa qáwipli jaǵdaydı bayqaǵan jaǵdayda tezlik penen tiyisli xızmetlerge xabar beriń:
▪️ Tez medicinalıq járdem – 103
▪️ Órt qáwipsizligi – 101, 112
▪️ Ishki isler organları – 102
▪️ Ayrıqsha jaǵdaylar ministrligi – 1050
▪️ Elektr tarmaqları – 1154
▪️ Gaz tarmaqları – 1104

Ózbekstan Respublikası Ministrler Kabinetiniń 2018-jıl 26-dekabrdegi 1050-sanlı qararı talaplarına muwapıq, elektr tarmaǵı xojalıǵı obektleriniń turaqlı islewin támiyinlew maqsetinde qorǵaw zonalarında ekologiyalıq zıyan yamasa órt keltirip shıǵarıwı múmkin bolǵan hár qanday háreketlerdi islew qadaǵan etilgen.

Sonıń menen birge, elektr uzatıw hawa liniyalarınıń qorǵaw zonalarında:

✔️ kóplegen adamlardıń jıynalıwı menen baylanıslı bolǵan ilajlardı ótkeriw;
✔️ turaqlı yamasa kóshpeli sawda orınların shólkemlestiriw;
✔️ shıǵındıxana shólkemlestiriw, shıǵındılardı jaylastırıw yamasa jıynaw;
✔️ janılǵı-maylaw materialların taslaw, saqlaw yamasa quyıw qatań túrde qadaǵan etiledi.

⇒ Esletip ótemiz, qorǵaw zonalarında qadaǵan etilgen jumıslardı ámelge asırǵan shaxslar ámeldegi nızamshılıqqa muwapıq juwapkershilikke tartıladı.

❗️ Nızamdı bilmew juwapkerlikten azat etpeydi.

‖ Facebook ‖ Instagram ‖ YouTube ‖

✅“Ózbekstan milliy elektr tarmaqları”
akcionerlik jámiyeti Málimleme xızmeti