Aksiyadorlik jamiyati faoliyatida jamoatchilikni qiziqtirgan masalalar, shu jumladan ochiqlikni taʼminlash bo‘yicha olib borilayotgan ishlar yuzasidan elektron so‘rov o‘tkazish (har olti oyda bir marta) masalasi hozirda texnik ishlanma bosqichida. Bundan tashqari, aksiyadorlik jamiyati o‘z faoliyati yo‘nalishiga muvofiq isteʼmolchilar bilan to‘g‘ridan-to‘g‘ri muloqotni amalga oshirmaganligi sababli (xizmat ko‘rsatmaydi, shartnoma tuzmaydi), onlayn so‘rovlar savollari va javoblari elektr energetikasi sohasidagi o‘xshash tashkilot – “Hududiy elektr tarmoqlari” aksiyadorlik jamiyati vakolatiga kiruvchi savollar bilan bog‘liq chalkashliklar yuz bermoqda.

Hozirda rasmiy veb-saytda onlayn so‘rovlar o‘tkazishning texnik imkoni yo‘qligi sababli veb-saytning bosh sahifasiga “Onlayn maslahatchi” bo‘limi kiritilgan, uning yordamida veb-sayt obunachilarining savollariga onlayn javoblar beriladi. Bundan tashqari, saytning “Bo‘sh ish o‘rinlari” bo‘limiga “Onlayn rezyume” bo‘limi qo‘shildi, bu yerda kadrlar bo‘limi bo‘sh ish o‘rinlariga hujjat topshirmoqchi bo‘lgan nomzodlardan rezyumeni qabul qiladi.

Shuningdek, rasmiy Telegram messenjeri orqali aksiyadorlik jamiyati faoliyatida jamoatchilikni qiziqtirgan masalalar, jumladan, ochiqlikni taʼminlash bo‘yicha amalga oshirilgan ishlar yuzasidan onlayn so‘rov o‘tkazish anʼanasi yo‘lga qo‘yilgan va natijalar rasmiy veb-saytda eʼlon qilinadi.

‖ Facebook ‖ Instagram ‖ YouTube ‖

«O‘zbekiston MET» AJ Axborot xizmati
http://t.me/uzmetaxborotxizmati