Ehtiyojmand oilalarga Gaz va elektr energiyasi uchun yil bo‘yi kompensatsiya beriladi

Yangiliklar

Ehtiyojmand oilalarga Gaz va elektr energiyasi uchun yil bo‘yi kompensatsiya beriladi – arizalar topshirish jarayoni boshlandi

23.06.2025
16

2025-yil 1-maydan O‘zbekiston bo‘ylab ehtiyojmand oilalarga gaz va elektr energiyasi uchun yil davomida kompensatsiya to‘lash amaliyoti yo‘lga qo‘yildi. Endilikda kompensatsiya faqat qish mavsumida emas, har oyda to‘lab beriladi.

Ehtiyojmand oilalarga kompensatsiya ajratish uchun joriy yilning 1-iyundan boshlab arizalar topshirish jarayoni boshlandi.

Kompensatsiyalar quyidagi toifalarga mansub oilalarga beriladi:

“Ijtimoiy himoya yagona reyestri” axborot tizimi orqali bolalar nafaqasi yoki moddiy yordam oluvchi oilalar hamda “Kambag‘al oilalar reyestri”ga kiritilgan hamda mol mulki bo‘yicha kam ta’minlangan oilalar mezonlariga to‘g‘ri keluvchi, biroq oiladagi jon boshiga daromadi minimal iste’mol xarajatlarining 1,5 barobaridan oshmaydigan oilalarga ajratiladi.

❗️ Eslatma: Ariza topshirgan ehtiyojmand oilalarning kompensatsiyasi oy yakuni bo‘yicha hisoblanadi va to‘lab beriladi.

Hali ariza topshirmadingizmi?
Unda imkoniyatdan foydalaning!

♂️ Mahalladagi ijtimoiy xodim,
☺️ “Inson” ijtimoiy xizmatlar markaziga,
yoki 1140 raqami orqali murojaat qilishingiz mumkin.

Batafsil video-lavhada tomosha qiling.

Manba: https://t.me/minenergy_uz/16804

«O‘zbekiston MET» AJ Axborot xizmati
http://t.me/uzmetaxborotxizmati