Kuz-qish mavsumini betalofat o‘tkazish, taqsimlovchi tarmoqlarga elektr energiyasini barqaror uzatish maqsadida «Sirdaryo magistral elektr tarmoqlari» filiali tasarrufidagi 220/110/10 kV kuchlanishli «Go‘zal» podstansiyasida quvvati 200 000 kVA bo‘lgan AT-1 transformatorida joriy ta’mirlash ishlari bajarildi.

 Mazkur ta’mirlash ishlari “O‘zbekiston milliy elektr tarmoqlari” AJ tomonidan tasdiqlangan yillik ta’mir dasturi asosida amalga oshirildi.

⚙️ Joriy ta’mir davomida quyidagi ishlar bajarildi:

   ♦ Moy sathi va haroratni nazorat qiluvchi termometr va sath ko‘rsatkichlari tekshirildi, nosoz elementlar yangisiga almashtirildi;

   ♦ Transformatorning sovutish tizimi (ventilyatorlar, nasoslar, radiatorlar) to‘liq ko‘rikdan o‘tkazildi, yuvilib, zarur joylarda moy oqishining oldi olindi;

   ♦ Transformator moyi namlik va mexanik aralashmalardan tozalandi, moyning dielektrik mustahkamligi laboratoriya sharoitida sinovdan o‘tkazildi;

   ♦ Izolyatorlarning mexanik mustahkamligi va sirt holati tekshirildi;

   ♦ O‘zgartirish (releli) himoya tizimi — gaz relesi, differensial himoya, maksimal tok va kuchlanish himoyalari sinovdan o‘tkazilib, soz holatga keltirildi;

   ♦ Kontakt birikmalari mexanik tarzda siqildi va oksid qatlami tozalandi;

   ♦ Yerdan himoya (yerlash) tizimi qarshiligi o‘lchab tekshirildi va normativ talabga moslashtirildi;

   ♦ Transformator ko‘rikdan o‘tkazilib, xizmat muddatiga ko‘ra profilaktik ishlar bajarildi.

Ta’mir yakunida AT-1 transformatori barcha me’yoriy sinovlardan muvaffaqiyatli o‘tkazildi va ishga tayyor holatga keltirildi.

Mazkur ta’mirlash-sozlash ishlari iste’molchilarning elektr ta’minotini yanada ishonchli va barqaror bo‘lishini ta’minlashga, shuningdek, kuz-qish mavsumini betalofat o'tkazish hamda elektr ta’minotida sodir bo‘lishi mumkin bo‘lgan uzilishlar sonini kamaytirishga xizmat qiladi.

‖ Facebook ‖ Instagram ‖ YouTube ‖ 

«O‘zbekiston MET» AJ Axborot xizmati 

http://t.me/uzmetaxborotxizmati

"SIRDARYO MAGISTRAL ELEKTR TARMOQLARI" FILIALI kanaliga obuna bo‘ling!

https://t.me/SirdaryoMET_Axborot