13.08.2026 — ҚАШҚАДАРЁ ВИЛОЯТИ: Электр узатиш тармоғидаги носозлик сабаби аниқланди
 

Ўчиш сабаби: Юк ташувчи траллер автомашинасига ортилган пахта териш машинаси электр узатиш ҳаво тармоғига яқинлашиши натижасида фавқулодда ўчган. Айни пайтда махсус бригада томонидан содир бўлган носозликни бартараф этиш ишлари олиб борилмоқда.

12.08.2026 — НАМАНГАН ВИЛОЯТИ: Носозлик сабаби — қурилиш ташкилоти автокрани рухсат этилмаган масофага яқинлашган
 

Наманган вилоятида жойлашган «Сардор» подстанциясидан чиқувчи 110 кВ кучланишли Л-С-П электр узатиш тармоғи ҳимоя тизими ишлаши оқибатида қисқа муддатга ўчган эди. Натижада Поп тумани ва Тўрақўрғон туманларининг айрим ҳудудлари истеъмолчилари электр таъминотида қисқа муддатли узилишлар содир бўлди. Истеъмолчилар зудлик билан захира манбалар орқали таъминланиб, мазкур ҳолат тезкор навбатчи бригада аъзолари томонидан ўрганилди. Маълум бўлишича, 110 кВ кучланишли тармоқнинг 10–11-сонли таянч устунлари оралиғи «А» фазаси симига қурилиш ташкилоти автокраннининг узатма мосламаси («стрела»си) рухсат этилмаган масофага яқинлашган сабабли қисқа туташув содир бўлган.

08.08.2026 — ҚАШҚАДАРЁ ВИЛОЯТИ: Юқори кучланишли электр узатиш тармоғидаги ўчиш сабаби маълум бўлди
 

...liniyaning 18–19-сонли таянч устунлари орлиғида қурилиш ташкилоти автокрани электр тармоғига рухсат берилмаган масофага яқинлашгани туфайли қисқа туташув содир бўлиб, «С» фаза шлейфи узилган.

05.08.2026 — ТОШКEНТ ШАҲРИ: 110 кВ кучланишли линиянинг фавқулодда ўчиш сабаби аниқланди
 

...qurilish ташкилоти махсус техникаси ҳайдовчиси хавфсизлик техникаси талабларини бузиши оқибатида электр узатиш тармоғи симини узиб юборган. Айни пайтда махсус бригада томонидан содир бўлган носозликни бартараф этиш, истеъмолчиларга захира манбалар орқали кучланиш бериш чоралари кўрилмоқда. Натижада қисқа муддат, маълум сабабга кўра, кучланишсиз қолган пойтахтнинг Олмазор ва Шайхонтоҳур туманларининг айрим ҳудудлари истеъмолчилари электр таъминоти тикланди.

26.07.2026 — ХОРАЗМ ВИЛОЯТИ: Навбатчи бригада аъзолари 110 кВ кучланишли Л-Хоразм линиясининг ўчиш сабабини аниқлади
 

..Aniqlanishicha, линиянинг 5–6-таянч устунлари оралиғида йўл қурилиши махсус транспорт воситаси томонида юк тушириш жарёнида тармоқнинг «А» фазасига рухсат этилмаган масофага яқинлашиши туфайли қисқа туташув содир бўлган. Қисқа туташув излари симда, асфальт қопламаси ҳамда автотранспорт воситасида қолган. Эслатиб ўтамиз, соат 02:21 да носозликлар бартараф этилиб, истеъмолчилар электр таъминоти тўлиқ тикланди.

Қонунни билмаслик жавобгарликдан озод этмайди!

Эътибор беринг, Ўзбекистон Республикаси Вазирлар Маҳкамасининг 2018 йил 26 декабрдаги 1050-сон қарори, 3-боб, 13-бандига мувофиқ Электр тармоғи хўжалиги объектлари – ушбу электр тармоғи хўжалиги объектлари ўз ихтиёрида бўлган корхоналар томонидан муҳофаза қилиниши белгилаб қўйилган.

Қарорнинг 14-бандида электр тармоғи хўжалиги объектларининг "муҳофаза зоналари" масофаси — электр узатиш линияларининг кучланиш миқдорига мос тарзда белгилаб берилган ва улар қуйидагича:

- 35 киловолт кучланишли линиялар учун – 15 метр;

- 110 киловолт кучланишли линиялар учун – 20 метр;

- 220 киловолт кучланишли линиялар учун – 25 метр;

- 500 киловолт кучланишли линиялар учун – 30 метр.

???? Эслатиб ўтамиз, электр узатиш ҳаво линиялари бўйлаб — четдаги симлардан, уларнинг оғмаган ҳолатида электр узатиш линиясининг иккала томони бўйлаб, электр узатиш линияси таянчи баландлигига мос бўлган баландликдаги масофага эга параллель вертикал текисликлар билан чегараланган ер участкаси ва ҳаво макони қисми — электр узатиш линияларининг “муҳофаза зонаси” деб аталади.

Батафсил https://t.me/uzmetaxborotxizmati/59075

«Ўзбекистон МEТ» АЖ Ахборот хизмати