O‘zbekiston Respublikasi Vazirlar Mahkamasining 2024-yil 17-dekabrdagi 844-sonli qarori asosida “HET” AJ Jizzax hududiy filiali balansidan “Jizzax magistral elektr tarmoqlari” filiali balansiga qabul qilingan 110/35/10 kVli “Yangiqishloq”, “Bekat” va “Mirzacho‘l” podstansiyalardagi kuch transformatorlarning yuklamalari me’yoridan oshganligi sababli yuqori quvvatlisiga almashtirish ishlari quyidagicha reja asosida olib borilmoqda:

• 2025-yil 19-20-avgust kunlari 110/35/10 kV kuchlanishli “Yangiqishloq” podstansiyasida ТДТН-10000/110 rusumli T-2 kuch transformatorini TДTН-16000/110 rusumli kuch transformatoriga almashtirish;

•  2025-yil 21-avgust kuni 110/35/10 kV kuchlanishli “Bekat” podstansiyasining birinchi navbatini ishga tushirish uchun ТДТН-10000/110 rusumli T-1 kuch transformatori o‘rnatish;

• 2025-yil 22-avgust kuni kuni 110/35/10 kV kuchlanishli “Mirzacho‘l” podstansiyasida ТМТН-6300/110 rusumli T-1 kuch transformatorini TДTН-16000/110 rusumli kuch transformatoriga almashtirish.

Bundan tashqari, Filial mutaxassislari yuqori kuchlanishli podstansiyalarga o‘rnatilgan transformatorlarining yog‘ sathi meʼyori, sovitish tizimi sozligi va boshqa meʼyoriy ko‘rsatkichlarini nazoratga olish bo‘yicha tegishli amaliyotlarni  bajarishmoqda. Shuningdek, elektr uzatish tarmoqlarining kontakt birikmalari teplovizor ko‘rigidan o‘tkazilib, chaqmoqqaytargich troslar hamda kontur yerlagichlar holati tekshirilmoqda.

Ma’lumot o‘rnida: “O‘zbekiston milliy elektr tarmoqlari” aksiyadorlik jamiyati generatsiya jarayonida hosil bo‘lgan elektr energiyasini magistral elektr tarmoqlari va yuqori kuchlanishli podstansiyalar orqali taqsimlovchi tarmoqlarga uzatish (transportirovka), shuningdek, elektr energiyasi davlatlararo tranziti bilan shug‘ullanadi.

Eslatib o’tamiz, avvalroq 110/35/10 kV kuchlanishli “Dashtobod” va “Zomin” podstansiyalardagi kuch transformatorlari yuqori quvvatlisiga almashtirilgan  edi.

‖ Facebook ‖ Instagram ‖ YouTube ‖ 

«O‘zbekiston MET» AJ Axborot xizmati 

http://t.me/uzmetaxborotxizmati 

❗️ «JIZZAX MAGISTRAL ELEKTR TARMOQLARI» FILIALI

kanaliga a’zo bo‘ling ⇒  t.me/JizzaxMET_Axborot